Friday, October 8, 2010

...காதலால் தவிக்கிறேன்...

என் விடியல்களோ உன்
விழிகளில் - அதனை
காணாதிருந்தும் விடிகிறது என்
பொழுதுகள் - நின்
அழைப்புமணி சப்தம் கேட்டு!

மௌனமொழி கொண்டு
உள்ளம் களவாடும் உணர்வுகளும்
வார்த்தைமொழி பேசுகின்றன ,
கைபேசியில் மௌனம்
விசித்திரம் என்பதால் !

உன்னோடு தோள் சாய்ந்து
தலைகோதும் உன் விரல்களுக்காய்
சுவரோடு தலை சாய்த்து
தென்றல் என்குழல் வருட
கனா காண்கிறேன் !

கோபத்தில் என்விழி சிவக்க
காதல்திமிர் கண்களில் சிந்தி
இதழ்களில் குறும்பாய் சிரிக்கும் - உன்
முகம் காணாத ஏக்கத்தில்
துண்டிக்கிறேன் தொழில்நுட்ப இணைப்பை !

கடலளவு காதல் கொண்டு
சிறுதுளியினை  ரசிக்கிறோம் .
காதலால் தவிக்கிறேன் ,
கரை தாண்டும்முன் வந்துவிடு!
பேசிய இதழ்கள் மூடிக்கொள்ளும்
ஏங்கிய விழிகள் காதல்பேசும்- அந்நாளுக்காய்
காத்திருக்கிறேன் காதலுடன் !!!!!!

காதலுடன் ,
...சுகன்யா...

8 comments: