Thursday, August 9, 2012

...மழை ஆசை ...

கொட்டும் மழையில் 
ஒற்றை குடையில் 
கை கோர்த்து நடக்க ஆசை !

மழை நின்ற பின்னும் 
மரக்கிளை ஆட்டி, நீ தரும் -
அரை நிமிட மழை ஆசை !

உள்ளங்கை விரைத்ததும்
சேர்த்து அணைத்து 
உன் சட்டை தரும் இதம் ஆசை !

பால்கனி சாரலில் 
பாதி பாதி பருகும் 
தேனீர் ஆசை !

ஜன்னல் வழி மழை ஏந்தி 
கன்னத்தில் சிதறவிட்டு 
சிரிக்கும் உன் முகம் ஆசை !

நீ அருகே இல்லாத போது பெய்யும்  
குளிர்மழை , மனதுள் தரும் 
வெப்பம் ஆசை !

உன்னோடு மீண்டும் சேர்ந்து 
மழை ரசிக்கும் 
கனவுகள் ஆசை !

கனவுகள், 
கலையும் முன்னமே 
என் முன் நீ வந்திட ஆசை !

இன்னும் நிறைய குட்டி குட்டி ஆசைகள் 
அதை நிறைவேற்றி தர 
மழை மீது ஆசை !

மழையில் சந்தோசங்கள் சேர்க்கும்
உன்மேல் 
ரொம்பவும் ஆசை !!!

4 comments: